കണ്ണാടി

കറുത്ത കണ്ണാടിയില്‍ നോക്കിയപ്പോള്‍
കണ്ടതു വെളുത്ത മുഖം.
കണ്ണാടി വെള്ള നിറം അല്ലാത്തത് ഭാഗ്യം,
അല്ലെങ്കില്‍ എന്‍റെ രൂപം കണ്ണാടിയില്‍ കണ്ടു-
നീ ഭയന്ന് അകലെ മറഞ്ഞേനെ.

പേരിടാന്‍ കഴിയാത്ത എന്തോ ഒന്ന്-
അതാണോ പ്രണയം?
ചിരിപ്പിക്കുകയും,കരയിക്കുകയും,
ചിന്തിപ്പിക്കുകയും ചെയ്യുന്ന പ്രണയം .
മധുരമുള്ള അനുഭൂതി -
ജീവിപ്പിക്കുന്ന കൈത്തിരി ,
പ്രണയം ഭ്രാന്തല്ല -
പ്രണയം ഒരു കാവ്യം.

പ്രണയത്തിന്‍റെ നിറം

പ്രണയത്തിന്‍റെ നിറം എന്താണ് ,
വാനം പോലെ , വിശാല സാഗരം പോലെ,
നീലിമ നിറഞ്ഞത്‌ .
എന്നാല്‍ നീ മൊഴിയുന്നത് -
വെള്ളരിപ്രാവ് പോലെ ,തൂമഞ്ഞു പോലെ ,
വെണ്മ നിറഞ്ഞതാണ്‌ പ്രണയമെന്നോ?
എന്കില്‍ നിന്നിലെ വെന്മയ്ക്കും-
എന്നിലെ നീലിമയ്ക്കും -
എത്ര അന്തരം .................................................

പ്രണയം ഒരു നദി പോലെ

എന്നും ഒഴുകിക്കൊണ്ടിരിക്കുന്നു .

ഒഴുകുന്നു ഞാനും എന്‍ പ്രിയ

സാഗരം തേടി ഈ പ്രണയ ദിനത്തിലും .........